«Roma» bosh murabbiyi Jan Pyero Gasperini Italiya A Seriyasining 6-turidan o‘rin olgan «Komo»ga qarshi uchrashuvda Doniell Malenning maydondan chetlatilishiga munosabat bildirdi.
Mazkur bahs 0:0 hisobidagi durang bilan yakunlandi. Ikkinchi bo‘limda Malen to‘g‘ridan-to‘g‘ri qizil kartochka oldi va rimliklar uchrashuvning 30 daqiqadan ortiq qismini bir kishi kam bo‘lib o‘tkazdi.
Gasperinining fikricha, niderlandiyalik hujumchi raqibiga jarohat yetkazishni maqsad qilmagan.
«U o‘zini ushlab qolishganiga javoban harakat qildi va to‘pga tegdi. Tashqaridan qaraganda uning sakrashi xavfli ko‘ringan bo‘lishi mumkin, ammo u raqibiga zarar yetkazish niyatida emasdi.
Qizil kartochka o‘yinni buzdi», — deya Gasperinining so‘zlarini keltiradi Football Italia.
Shuningdek, italiyalik mutaxassis bahsli vaziyatlarni tahlil qilishda videotakrorning alohida to‘xtatilgan kadrlariga tayanishni tanqid qildi.
«Futbol — bu harakatlardan iborat o‘yin, qotib qolgan tasvirlardan emas. To‘xtatilgan kadrlar voqelikni noto‘g‘ri aks ettiradi. Vaziyatlarga faqat shunday tasvirlar asosida baho berishni bas qilish vaqti keldi», — dedi «Roma» ustozi.
Ushbu durangdan keyin «Roma» 14 ochko bilan Italiya chempionati turnir jadvalida uchinchi o‘rinni egallab turibdi.
«Inter» va «Lasio» jamoalari esa 16 ochkodan jamg‘argan.
