«Ювентус» бош мураббийи Лучано Спаллетти «Кальяри»га қарши учрашувдан сўнг жамоа вазиятлардан фойдаланиш самарадорлигини ошириши кераклигини таъкидлади. А Сериянинг олтинчи туридан ўрин олган баҳс 1:1 ҳисобида якунланди.
«Коло-Муани гол урилган вазиятда яхши ҳаракат қилди. У рақиб футболчилари орасидан бўш ҳудуд топа олди. Ҳужумларни яхшироқ якунлашимиз керак. Футболчиларни ўйин учун мақтамоқчиман, бироқ айни пайтда бироз жаҳлим ҳам чиқяпти, чунки биз бундай учрашувларда ғалаба қозонишимиз керак», — дея мутахассиснинг сўзларини келтиради Football Italia.
«Ювентус» 11 очко жамғарган ҳолда Италия чемпионати турнир жадвалида олтинчи ўринда бормоқда.
