Лондоннинг «Арсенал» клуби ҳимоячиси Юрриен Тимбер Микель Артетанинг клуб билан шартномани узайтиргани ҳақида ўз фикрларини билдирди.
Яқинда испаниялик мутахассис «канонирлар» билан 2030 йилгача мўлжалланган янги меҳнат шартномасини имзолади.
«Мураббийнинг «Арсенал» олдидаги хизматлари қанчалик катта эканини яна бир бор тушунтиришимга ҳожат йўқ. У клубни ўзгартирди, аммо эришилган натижалар билан тўхтаб қолмоқчи эмас. Биз уни қўллаб-қувватлаймиз. Артетанинг янги шартнома имзолаганидан хурсандман. Умид қиламанки, олдинда бизни биргаликдаги кўплаб муваффақиятли йиллар кутмоқда. Микель раҳбарлигида ўйнаётганимиздан мамнунмиз», — дея Тимбернинг сўзларини келтиради Arsenal Radar.
Шанба куни Лондоннинг нуфузли клуби Премьер-лига доирасида ўз майдонида «Лидс»ни 2:1 ҳисобида мағлуб этди.
