Машҳур британиялик мусиқачи ва «Манчестер Сити» мухлиси Лиам Галлахер Англия Премьер-лигасининг 6-турида «шаҳарликлар»нинг «Ливерпуль» устидан қозонган йирик ғалабасига муносабат билдирди.

«Манчестер Сити» сафарда ўтказилган учрашувда рақибини 3:0 ҳисобида мағлуб этди. Манчестерликлар рақиб жамоа бир киши кам бўлиб қолганидан сўнг устунликдан унумли фойдаланди.

Галлахер ўйиндан кейин ижтимоий тармоқдаги саҳифасида «Ливерпуль» мухлисларига нисбатан кескин ва ҳақоратомуз фикр билдирди.

«Жойингизга ўтиринглар, скаузер аблаҳлар! «Манчестер Сити» футбол оламида ҳукмронлик қилмоқда», — деб ёзди мусиқачи.

Эслатиб ўтамиз, «Манчестер Сити» барча учта голини «Ливерпуль» ярим ҳимоячиси Райан Гравенберх майдондан четлатилганидан кейин киритди.

Англия Премьер-лигасида олтита тур ортда қолганидан сўнг «Манчестер Сити» 18 очко жамғариб, мусобақа жадвалида пешқадамлик қилмоқда.

Энцо Мареска бошқараётган жамоа энг яқин таъқибчисидан уч очко олдинда бормоқда.