«Манчестер Юнайтед» бош мураббийи Майкл Каррик жамоасининг УЕФА Чемпионлар лигаси доирасида Мадриднинг «Атлетико» клубига қарши бўлиб ўтадиган учрашувга тайёр эканини таъкидлади.

Манчестерликлар жорий мавсумда Чемпионлар лигасидаги иккинчи ўйинини Испания клубига қарши ўтказади.

Каррик жамоасининг аввалги учрашув иккинчи бўлимида кўрсатган ҳаракатларини юқори баҳолади. Унинг фикрича, футболчиларнинг қийин вазиятга муносабати уларда натижаларни яхшилашга бўлган интилиш кучли эканини кўрсатган.

«Биз бу ўйинга тайёр бўламиз. Йигитлар ҳам тайёр. Айниқса, аввалги учрашувнинг иккинчи бўлимида уларнинг қандай муносабат билдирганини кўрдингиз, деб ўйлайман.

Бу менда футболчиларга нисбатан аввалдан мавжуд бўлган ишончни янада мустаҳкамлади.

Улар ғалаба қозонишга чанқоқ ва вазиятни ўнглашни чин дилдан исташмоқда», — деди Каррик.