Андреа Белотти яна ўзини кўрсатди! «Модена» марказий ҳужумчиси ажойиб кечган учрашув тақдирини ҳал қилди ва жамоасининг муҳим уч очкога эга чиқишини таъминлаган камбэкни ғалаба голи билан якунлади. Учрашув 3:2 ҳисобида якунланди.
Бироқ Белотти учун «Бралья» стадионида урилган гол нафақат турнир жадвали нуқтаи назаридан муҳим. Гап шундаки, у чемпионатда кетма-кет иккинчи учрашувда гол урди. Бундай натижага у охирги марта 2022 йилда, ҳали «Торино» сафида тўп тепган пайтида эришган эди.
Бугун Белотти 32 ёшда. Унинг сўнгги йиллардаги фаолияти ўн йил аввал, ҳатто Италия терма жамоасига таклиф олган пайтида кўпчилик тасаввур қилганидан анча фарқли кечди.
