"Манчестер Юнайтед"нинг француз ҳимоячиси Лени Йоро фаолиятини Германия Бундеслигасида давом эттириши мумкин.
Бу ҳақда трансферлар бўйича инсайдер Экрем Конур ижтимоий тармоқларда маълум қилди.
Манбага кўра, Мюнхеннинг "Бавария" клуби вакиллари 20 ёшли футболчининг "Манчестер Юнайтед"даги вазиятини диққат билан кузатиб бормоқда.
Франциялик ҳимоячининг трансфер қиймати 45 миллион еврога баҳоланмоқда. Унинг "қизил иблислар" билан амалдаги шартномаси 2029 йил июнь ойи охирига қадар мўлжалланган.
Йоро жорий мавсумда "Манчестер Юнайтед"нинг асосий таркибидан муқим жой эгаллай олмаяпти. Ҳозирга қадар у Англия Премьер-лигасида учта учрашувда иштирок этган.
Ҳозирча "Бавария" томонидан футболчини сотиб олиш юзасидан расмий таклиф юборилгани ҳақида маълумот йўқ.
