Бугун, 14 октябрь куни Осиё Чемпионлар лигаси-2 мусобақаси гуруҳ босқичининг 2-тур учрашувлари давом эттирилади. Ўзбекистоннинг "Насаф" клуби Бирлашган Араб Амирликларининг "Ал-Ваҳда" жамоасини қабул қилади.
"А" гуруҳидан ўрин олган Қарши жамоаси мусобақанинг дастлабки турида Баҳрайннинг "Ал-Халидия" клуби меҳмони бўлиб, 0:0 ҳисобида дуранг ўйнаган эди. Шу тариқа, Рўзиқул Бердиев шогирдлари биринчи учрашувда бир очкони қўлга киритди.
Рақиб гуруҳда пешқадамлик қилмоқда
"Ал-Ваҳда" эса мусобақани ғалаба билан бошлади. БАА вакиллари биринчи турда Қувайтнинг "Ал-Кувайт" клубини 3:2 ҳисобида мағлуб этиб, уч очкога эга бўлди.
Ҳозирда "Ал-Ваҳда" 3 очко билан гуруҳда пешқадамлик қилмоқда. "Насаф" эса бир очко билан иккинчи ўринда бормоқда.
Бугунги учрашув ҳар икки жамоа учун муҳим аҳамиятга эга. Қарши клуби ғалаба қозонган тақдирда очколари сонини тўрттага етказиб, гуруҳдаги мавқеини мустаҳкамлаш имкониятига эга бўлади.
Осиё Чемпионлар лигаси-2. Гуруҳ босқичи, 2-тур
14 октябрь, 18:45 (Тошкент вақти)
"Насаф" (Ўзбекистон) — "Ал-Ваҳда" (БАА)
Қарши жамоаси мазкур баҳсда мусобақадаги дастлабки ғалабасини қўлга киритишга ҳаракат қилади.
