Мюнхеннинг «Бавария» клуби юлдузли қанот ҳужумчиси Майкл Олисе Лондоннинг «Арсенал» клуби қизиқиш доирасига тушди. Бу ҳақда Fichajes нашри хабар бермоқда.

Манба маълумотларига кўра, «Арсенал» француз футболчисини ўз сафига қўшиб олишга жиддий қизиқиш билдирмоқда. «Тўпчилар» бош мураббийи Микель Артета Олисени жамоасида кўришни истамоқда. Таъкидланишича, трансфер амалга ошган тақдирда, испаниялик мутахассис француз футболчисини «Арсенал» ҳужум чизиғининг асосий фигурасига айлантиришни режалаштирмоқда.

Бироқ 24 ёшли қанот ҳужумчисига «Реал», «ПСЖ» ва «Ливерпуль» клублари ҳамон қизиқиш билдирмоқда.

Қайд этилишича, «Бавария» Олисе билан шартномани узайтириш ва унинг молиявий шартларини сезиларли даражада яхшилашни истайди. Аммо томонлар келишувга эриша олмаса, «Арсенал» 2027 йил ёзида трансфер бўйича фаол ҳаракатларни бошлаши мумкин.

Олисе жорий мавсумда барча мусобақаларда тўққизта учрашувда майдонга тушиб, саккизта гол урди ва тўртта голли узатмани амалга оширди. Transfermarkt мутахассислари футболчининг трансфер қийматини 180 миллион евро этиб баҳоламоқда.