Футболчилик фаолиятини якунлаган Испания терма жамоасининг собиқ аъзоси Педро Родригес «Барселона»даги дастлабки йилларини хотирлади.

У Каталония клубида дастлаб ўзи чуқур миннатдор бўлган Хосеп Гвардиола, шунингдек, Тито Виланова қўл остида тўп сурган.

«Тито ажойиб инсон эди. У мен футбол оламида учратган энг ҳалол ва садоқатли инсонлардан бири бўлган.

У билан биргаликда бошимиздан кечирган воқеаларни эслаш жуда оғир. Чунки бу ниҳоятда қийин давр эди.

Бу уни кўп йиллардан бери таниган барчамиз, футболчилар учун ҳам жуда оғир зарба бўлган», — дея Педронинг сўзларини келтирмоқда derbyderbyderby.it нашри.

Эслатиб ўтамиз, Тито Виланова оғир касаллик сабабли бевақт вафот этган эди.