«Барселона» ҳимоячиси Эрик Гарсия «Галатасарой»га қарши аввалги учрашувни эслаб, жамоанинг 2022 йилдан буён қандай ўзгаргани ҳақида фикр билдирди.

Сешанба куни каталонияликлар УЕФА Чемпионлар лигаси умумий босқичида Истанбулда «Галатасарой»ни 4:1 ҳисобида мағлуб этди.

Жамоалар бунга қадар 2022 йил март ойида Европа лигасининг 1/8 финалида тўқнаш келган эди. Ўшанда «Барселона» ўз майдонида 0:0 ҳисобида дуранг ўйнаган, сафарда эса 2:1 ҳисобида ғалаба қозониб, кейинги босқичга йўл олган.

«Ҳозиргина Педри билан 2022 йилда Европа лигасида ўйнаганимизда Туркияга келганимизни эсладик.

Ўшандан бери жамоамиз жуда катта ўзгаришларга учради. Биз кўп нарсага эришдик ва сезиларли даражада кучайдик. Аммо олдимизда ҳали кўп вазифалар турибди.

Бизда ажойиб таркиб бор. Ўша даврдан бери жамоада ўйнаб келаётган футболчилар ҳам янада ўсишга эришди», — дея Эрик Гарсиянинг сўзларини келтирмоқда Barca Universal.

«Барселона» Чемпионлар лигасининг навбатдаги турида «Пари Сен-Жермен»га қарши майдонга тушади. Учрашув 20 октябрь куни Парижда бўлиб ўтади.