Италиянинг "Комо" клуби бош мураббийи Франсеск Фабрегас Чемпионлар лигасида "Манчестер Юнайтед"га қарши учрашув олдидан ташкил этилган матбуот анжуманида фикр билдирди.

21 октябрь куни бўлиб ўтадиган баҳс олдидан испаниялик мутахассис рақиб жамоа ва унинг бош мураббийи Майкл Кэррикка юқори баҳо берди.

"Биз учун хотиржамликни сақлаш жуда муҳим. Олдимизда ҳали бажаришимиз ва ўрганишимиз керак бўлган кўплаб ишлар бор.

Эртага майдонга иккита жамоа тушади ва ҳар иккиси ҳам ғалаба учун курашади.

Биз рақибимизни жуда ҳурмат қиламиз. Уларда ажойиб футболчилар, кучли мураббийлар штаби ва жамоани Чемпионлар лигасига қайтарган юқори савияли бош мураббий бор.

Уларни ўз майдонимизда қабул қилиш мен учун катта шараф", — дея Фабрегаснинг сўзларини келтиради УЕФА матбуот хизмати.

Шунингдек, мутахассис "Манчестер Юнайтед" бош мураббийи Майкл Кэррикнинг фаолияти ҳақида ҳам гапирди.

"Манчестер Юнайтед" — буюк тарихга эга клуб. Мен Майкл Кэррикни танийман.

У жамоани ушбу клубга муносиб даражага қайтариш орқали ажойиб иш бажарди", — деди Фабрегас.

Чемпионлар лигаси умумий босқичининг дастлабки икки туридан сўнг "Комо" ва "Манчестер Юнайтед" ҳисобида учтадан очко мавжуд.

Жамоалар турнир жадвалида мос равишда 14 ва 15-ўринларни эгаллаб турибди.