Ёзги трансферлар ойнаси вақтида бразилиялик ҳужумчи “қаймоқранглилар” сафида қолишга қарор қилди ва клуб билан амалдаги шартномасини 2032 йилга қадар узайтирди.

Мадриднинг “Реал” клуби вингери Винисиус Жуниор ёзги трансферлар ойнаси вақтида Лондоннинг “Арсенал” жамоасига кўчиб ўтиш вариантини жиддий ўйлаб кўрган. Бу ҳақда футболчининг агентларидан бири Майкл Йормарк маълум қилган.

“У "Арсенал" таклифини жиддий кўриб чиққанмиди? Албатта, ҳа. "Арсенал"дек жамоа сенга эътибор қаратиб, улар учун қанчалик муҳим ўйинчи эканингни ҳис қилдирса, ўз-ўзидан бу чорловга қулоқ тутасан. Аммо Винининг юраги Мадридда. У доим шу ерда бўлишни хоҳлаган ва фаолиятининг қолган қисмини ҳам айнан "Реал"да ўтказишга умид қилмоқда”, дейди агент.

Эслатиб ўтамиз, ёзги трансферлар ойнаси вақтида бразилиялик ҳужумчи “қаймоқранглилар” сафида қолишга қарор қилди ва клуб билан амалдаги шартномасини 2032 йилга қадар узайтирди.

Винисиус жорий мавсум клуб сафида жами 11 та учрашувда иштирок этиб, 1 гол ва 3 та голли узатма муаллифига айланган. Transfermarkt портли футболчининг бозор қийматинини 130 миллион еврога баҳолаган.