«Барселона» ярим ҳимоячиси Гави Испания чемпионати 10-туридан ўрин олган «Реал»га қарши бўлажак учрашув ҳақида ўз кутилмалари билан ўртоқлашди.

Учрашув 25 октябрь куни Барселонадаги «Спотифай Камп Ноу» стадионида бўлиб ўтади. Баҳс Тошкент вақти билан 26 октябрь куни соат 01:00 да бошланади.

«Биз ўйинга тўғри руҳий тайёргарлик билан ёндашишимиз керак. Рақиб ҳар қандай вазиятда бизни кутилмаганда қийин аҳволга солиб қўйиши мумкин. Шунинг учун бутун ўйин давомида диққатимизни жамлаган ҳолда ҳаракат қилишимиз лозим.

Умид қиламанки, мухлислар бизга ҳар қачонгидан ҳам кўпроқ ёрдам беришади. Биз уларга қувонч бағишлашни истаймиз», — дея Гавининг сўзларини келтиради «Барселона»нинг X ижтимоий тармоғидаги расмий саҳифаси.

Айни вақтда «Барселона» 27 очко билан Испания чемпионати турнир жадвалида пешқадамлик қилмоқда. «Реал» эса 21 очко билан учинчи ўринни эгаллаб турибди.