«Реал» клубининг собиқ футболчиси, мураббийи ва директори Хорхе Вальдано «Барселона» ҳақидаги фикрлари билан ўртоқлашди.
Унинг фикрича, молиявий қийинчиликлар каталонияликлар сафида айрим ёш футболчиларнинг иқтидори очилишига туртки берган.
«Иқтисодий инқироз бўлмаганида, эҳтимол, “Барселона”нинг истеъдодли футболчилари порламаган бўларди.
Мен ҳозир Ямал ёки Кубарси ҳақида гапираётганим йўқ — улар алоҳида иқтидор соҳиблари. Аммо жамоада айнан шу инқироз туфайли имкониятга эга бўлган бошқа футболчилар ҳам бор», — дея Вальданонинг сўзларини келтиради «Газета.Ru» нашри.
