«Реал»нинг собиқ футболчиси ва мураббийи Хорхе Вальдано «Барселона»га қарши «эл-класико»да (2:1) дубль қайд этган Килиан Мбаппенинг етакчилик қобилиятини юқори баҳолади.
«Етакчиликнинг турли кўринишлари бор. Ҳар ўйинда биттадан гол урадиган футболчи қандай қилиб етакчи бўлмаслиги мумкин?
Мбаппе жуда ақлли инсон. У ҳатто хоҳламаса ҳам етакчилик қилади, чунки унинг ҳар бир фикри жамоадошлари эътиборини тортади», — деди Вальдано.
«Барселона»нинг собиқ футболчиси Жерар Лопес эса «Реал» Винисиуссиз мувозанатлироқ ўйнаётганини таъкидлади.
«Винисиуссиз жамоа кўпроқ ва яхшироқ югурмоқда. Бу — факт», — деди Лопес. У шунингдек, Ян Диомандени «Реал»нинг учрашувдаги энг яхши футболчиси сифатида эътироф этди.
