"Арсенал" сардори Мартин Эдегор келаси ёзда Лондон клубини тарк этиши мумкин.
Sky Sport нашрининг хабар беришича, "канонирлар" 27 ёшли норвегиялик ярим ҳимоячи билан шартномани узайтиришдан манфаатдор. Бироқ томонлар келишувга эриша олмаса, клуб футболчини сотиш вариантини кўриб чиқишига тўғри келади.
Эдегорнинг амалдаги шартномаси 2028 йил ёзигача мўлжалланган. Шу сабабли "Арсенал" уни бир йил ўтиб эркин агент сифатида текинга йўқотмаслик учун 2027 йил ёзида трансферга қўйиши мумкин.
Манбанинг таъкидлашича, норвегиялик футболчи Лондондан кетадиган бўлса, "Бавария"га ўтишни афзал кўриши эҳтимол.
Мюнхенликлар Эдегорни қўлга киритишга асосий даъвогар сифатида кўрилмоқда. Аввалроқ "ПСЖ" ҳам футболчига қизиқиш билдираётгани ҳақида хабарлар тарқалган эди.
