Флик «Барселона» тарихидаги энг яхши кўрсаткични қайд этди

«Барселона» бош мураббийи Ханс-Дитер Флик клуб тарихида ғалабалар фоизи бўйича биринчи ўринга кўтарилди.

Каталонияликлар Ла Лиганинг 11-турида «Алавес»ни 6:1 ҳисобида тор-мор этди. Бу немис мутахассисининг «Барселона» бошқарувидаги 100-ғалабаси бўлди.

Флик 131 та ўйинда 100 марта зафар қучиб, 76,33 фоизлик натижа қайд этди ва бу кўрсаткич бўйича Луис Энрикени (76,24%) ортда қолдирди.

Клуб тарихидаги энг юқори ғалаба фоизига эга мураббийлар бешталиги қуйидагича:

1. Ханс-Дитер Флик — 76,33%

2. Луис Энрике — 76,24%

3. Ральф Кирби — 76,19%

4. Хосеп Гвардиола — 72,47%

5. Тито Виланова — 71,66%

Қайд этиш жоиз, Кирби «Барселона»ни атиги 21 та учрашувда бошқарган.