Flik «Barselona» tarixidagi eng yaxshi ko‘rsatkichni qayd etdi

«Barselona» bosh murabbiyi Xans-Diter Flik klub tarixida g‘alabalar foizi bo‘yicha birinchi o‘ringa ko‘tarildi.

Kataloniyaliklar La Liganing 11-turida «Alaves»ni 6:1 hisobida tor-mor etdi. Bu nemis mutaxassisining «Barselona» boshqaruvidagi 100-g‘alabasi bo‘ldi.

Flik 131 ta o‘yinda 100 marta zafar quchib, 76,33 foizlik natija qayd etdi va bu ko‘rsatkich bo‘yicha Luis Enrikeni (76,24%) ortda qoldirdi.

Klub tarixidagi eng yuqori g‘alaba foiziga ega murabbiylar beshtaligi quyidagicha:

1. Xans-Diter Flik — 76,33%

2. Luis Enrike — 76,24%

3. Ralf Kirbi — 76,19%

4. Xosep Gvardiola — 72,47%

5. Tito Vilanova — 71,66%

Qayd etish joiz, Kirbi «Barselona»ni atigi 21 ta uchrashuvda boshqargan.