"Наполи" дарвозабони Алекс Мерет Туриннинг "Ювентус" клубига қарши ўйиндаги мағлубият ҳақида фикр билдирди. Неаполликлар учрашувда жавоб голи ура олмай, 0:2 ҳисобида мағлуб бўлишди.
"Биз ҳали айрим жиҳатларни такомиллаштиришимиз керак. Аксарият ҳолларда айнан шу майда тафсилотлар ҳал қилувчи аҳамият касб этади. Бугун бизга концентрация ва хотиржамлик етишмади: рақибларга дарвозамизга бемалол зарба бериш имконини яратиб бердик ва натижада улар иккита чиройли гол уришди. Ҳар икки жамоа ҳам ғалаба қозонишга интилди, аммо рақиб ҳужумчиларининг маҳорати юқорироқ бўлиб чиқди.
Бу мавсумни биз кутганимиздек бошлай олмадик, бироқ вазиятни тўғрилаш учун ҳали вақт бор", — дея Меретнинг сўзларини келтирмоқда calcionapoli1926.it.
Кейинги турда неаполликлар Римнинг "Лацио" клубига қарши майдонга тушишади.
