Туриннинг "Ювентус" клуби бош мураббийи Лучано Спаллетти "Наполи"га қарши учрашувдаги ғалабадан сўнг ўйин натижаси ҳақида фикр билдирди.
"Футболчилар мухлисларнинг ишончини қозонишга интилдилар: улар яккакурашларга киришди, жамоа учун бор кучлари билан ҳаракат қилишди, бир лаҳза ҳам иккиланишмади ва ўйинда бепарволикка йўл қўйишмади. Ғалаба ҳақли бўлди ва бунинг учун жамоани мақташ керак.
Агар футболчиларнинг ўзи шундай қадам ташламаса, вазиятни ўзгартириш жуда қийин бўлади. Агар курашда ютқазиб, яккакурашларда рақибга имкониятни бой берсангиз, ҳеч қандай тактик схема иш бермайди.
Катта қийинчиликларга қарамай, биз жуда муҳим ғалабага эришдик. Бугун ихтиёримизда атиги 13 нафар футболчи бор эди", — дея Спаллеттининг сўзларини келтирмоқда calcionapoli1926.it.
Спаллетти ўтган йилнинг кузида "Ювентус" бош мураббийи этиб тайинланган эди.
