Римнинг "Лацио" клуби Италия чемпионатининг 10-турида "Кальяри"ни 2:1 ҳисобида мағлуб этди.
Маълум бўлишича, римликлар ўз тарихида илк бор мавсумнинг дастлабки 10 та учрашувидан 9 тасида ғалаба қозонишга эришди. Илгари клуб бундай натижа қайд этмаган эди.
"Лацио" ушбу натижага эришган олтинчи клуб бўлди. Бунга қадар "Ювентус" бу кўрсаткични тўрт марта, "Милан" ва "Наполи" икки мартадан, "Рома" ҳамда "Торино" эса бир мартадан қайд этган. Бу натижага энг сўнгги бор 2021/22 йилги мавсумда "Милан" ва "Наполи" эришган.
Кейинги турда "Лацио" "Наполи"га қарши майдонга тушади. Эслатиб ўтамиз, неаполликлар якшанба оқшомида Туриннинг "Ювентус" клубига мағлуб бўлишди.
