Кристиан Пулишичнинг "Милан" билан шартномасини узайтириши "Интер" устидан қозонилган ғалаба билан бир вақтга тўғри келди. Бу эса футболчига "Милан"ни қанчалик яхши кўришини яна бир бор таъкидлаш учун қўшимча туртки берди.
"Милан" билан шартномани узайтириш доимо менинг хоҳишим бўлган. Мени бу клуб, ушбу шаҳар ва ажойиб мухлисларимиз билан боғлаб турган ришта мен учун жуда катта аҳамиятга эга. Қийин дамларда клуб ва мухлислар доимо мени қўллаб-қувватлашди ва менга ишонишдан тўхташмади. Мен бу қўллаб-қувватлашни ҳеч қачон унутмайман ва унинг эвазига миннатдорчилик билдириш учун қўлимдан келган барча ишни қиламан. Олдиндаги йиллар фаолиятимдаги энг яхши давр бўлишини — унутилмас лаҳзалар ва ғалабаларга бой бўлишини истайман. Келинг, биргаликда тарих яратайлик. Олға, "Милан"!" — дея футболчининг сўзларини келтиради pianetamilan.it.
Эслатиб ўтамиз, Пулишич 2023 йилдан буён "Милан" шарафини ҳимоя қилиб келмоқда.
