Kristian Pulishichning "Milan" bilan shartnomasini uzaytirishi "Inter" ustidan qozonilgan g‘alaba bilan bir vaqtga to‘g‘ri keldi. Bu esa futbolchiga "Milan"ni qanchalik yaxshi ko‘rishini yana bir bor ta’kidlash uchun qo‘shimcha turtki berdi.
"Milan" bilan shartnomani uzaytirish doimo mening xohishim bo‘lgan. Meni bu klub, ushbu shahar va ajoyib muxlislarimiz bilan bog‘lab turgan rishta men uchun juda katta ahamiyatga ega. Qiyin damlarda klub va muxlislar doimo meni qo‘llab-quvvatlashdi va menga ishonishdan to‘xtashmadi. Men bu qo‘llab-quvvatlashni hech qachon unutmayman va uning evaziga minnatdorchilik bildirish uchun qo‘limdan kelgan barcha ishni qilaman. Oldindagi yillar faoliyatimdagi eng yaxshi davr bo‘lishini — unutilmas lahzalar va g‘alabalarga boy bo‘lishini istayman. Keling, birgalikda tarix yarataylik. Olg‘a, "Milan"!" — deya futbolchining so‘zlarini keltiradi pianetamilan.it.
Eslatib o‘tamiz, Pulishich 2023 yildan buyon "Milan" sharafini himoya qilib kelmoqda.
