Ўзбекистон футбол ҳакамлари маркази Суперлиганинг 25–26-турлари ҳамда Ўзбекистон кубоги чорак финал учрашувларидаги ҳакамлик фаолиятини таҳлил қилди.
Zoom платформасида ташкил этилган йиғилишни Фарҳод Абдуллаев, Валентин Коваленко ва Жаҳонгир Саидов олиб борди.
Мутахассислар баҳсли эпизодларни видеотакрорлар орқали ўрганиб, бош ва ёрдамчи ҳакамларнинг майдондаги жойлашуви, ҳаракатлари ҳамда қабул қилган қарорларини баҳолади. Шунингдек, VAR ва AVAR ҳакамлари фаолияти ҳам муҳокама қилинди.
Айрим вазиятлар танқидий кўриб чиқилиб, аниқланган камчиликларни бартараф этиш юзасидан тавсиялар берилди.
Ҳакамларга ўйин қоидаларини тўғри қўллаш ва келгуси учрашувларда қарорлар сифатини ошириш бўйича тегишли кўрсатмалар етказилди.
