“Гулистон” – “Бунёдкор” учрашувидан кейинги матбуот анжуманига биринчи бўлиб “қалдирғочлар” устози ташриф буюрди.

- Бугунги ўйиннинг биринчи бўлими қизиқарли руҳда ўтди. “Гулистон” олий лигада жон сақлаб қолиш учун, биз эса чемпионликка эриши йўлида курашаётгандик. Шунинг учун ҳам ўйинда ҳеч кимга осон бўлмаслиги олдиндан маълум эди. Гулистонликлар бизга етарлича қаршилик кўрсатишди. Бироқ вақт ўтиши билан майдондаги футболчиларнинг маҳоратлари сезилиб, ўзимизга керакли натижани қўлга кирита олдик. Умуман олганда, бугунги баҳсда жамоаларнинг маҳорати сезилиб қолди. Ўйиндан олдин ёғган ёмғир ва майдоннинг ҳолати тўлиқ куч билан ўйнашга тўсқинлик қилди. Шунинг учун ҳам шогирдларимга бутсиларини яхшилаб, тартибга келтиришларини уқтирдим. Чунки лой майдонда ўйнаш ҳар доим ҳам оғир бўлган. Бахтиёр Ашурматов яхши ва курашувчан тузганди. Буни улар биринчи давра мобайнида исботлай олишди. Тошкентдаги баҳсда ҳам бу жамоа осонликча таслим бўлмаганди. Давралар оралиғида клубни бир неча етакчилар тарк этишди. Қолаверса, жамоадаги молиявий қийинчиликлар ҳам имкониятларни чеклаб қўйди. Ташқаридан туриб “Гулистон” ҳақида фикр юритиш қийин, - дейди Миржалол Қўшоқович.