Россия ва Сербия миллий терма жамоалари 15 ноябр куни ўртоқлик учрашуви ўтказадиган бўлди. Бу ҳақда Сербия футбол федерацияси матбуот хизмати хабар тарқатган.
Учрашув БАА пойтахти Дубай шаҳрида бўлиб ўтади. Ўйиннинг бошланиш вақти ҳозирча маълум эмас.
Аввалроқ Фабио Капелло жамоаси Туркия ёки Жанубий Корея билан ўйнаши мумкинлиги борасида хабарлар пайдо бўлганди.
Қайд этиш жоиз, ушбу икки терма жамоа охирги марта 2011 йил августида учрашган ва ўшанда руслар 1:0 ҳисобида ғалаба қозонгандилар.