Португалия, Франция, Греция ва Хорватия терма жамоалари плэй-офф босқичидан муваффаққиятли ўтиб Жаҳон чемпионати йўлланмаларини қўлга киритдилар.

Греция термаси икки ўйин натижаларига кўра Руминиядан устун келди (биринчи ўйин - 3:1, жавоб ўйини - 1:1).

Хорватия ўз майдонидаги жавоб учрашувида Исландия термасини 2:0 ҳисобида мағлуб этди (биринчи ўйин - 0:0).

Португалия термаси Швецияни ҳар икк учрашувда мағлуб этди (уйда - 1:0, меҳмонда - 3:2). Португалияликларнинг барча голларини Роналду киритди.

Франция биринчи учрашувда меҳмондаги 0:2 ҳисобидаги мағлубиятга қарамай, уйда Украинани 3:0 ҳисобида доғда қолдирди.

Таъкидлаш жоиз, Франция термаси ўтиш мусобақаларида 0:2 ҳисобида мағлубиятга учраб, жавоб ўйинида керакли натижани қўлга киритган биринчи жамоа бўлди.