"Милан" вице-президенти Адриано Галлиани Марио Балотеллининг клуб тартиб-қоидалари бузганидан хабари йўқлигини айтмоқда. Итальян ОАВ эса футболчининг якшанба ва душанба кунлари жамоа машғулотларига кечикиб келгани ҳақида ёзишмоқда.
"Бу ҳақда ҳеч нарса эшитганим йўқ. Жамоа йиғини вақтини мураббий ҳал қилади.
Балотеллли қишда "Милан"дан кетиши мумкинми? 101 фоиз бераман, у қолади. Балотелли - таркибимизнинг муҳим ўйинчиси", - дейди Галлиани.
Эслатиб ўтамиз, "Женоа" билан ўйиндан кейин футболчи ўз твиттерида "Ҳаммаси тамом", - деб ёзганди.