ФИФА 6 декабрь куни ташланадиган ЖЧ-2014 қуръаси саватчалари таркибини эълон қилди.
Кутилганидек, 1-саватчада ФИФАнинг октябрь ойи рейтингида энг юқори ўринларни эгаллаган 8 жамоа эгаллаган бўлса, 2-саватча Африка (5) ва КОНМЕБОЛнинг қолган 2 жамоасидан ташкил топган. 3-саватча эса Осиё/КОНКАКАФ термаларидан иборат бўлди.
4-саватчада эса Европанинг 9 жамоаси жой олди. Қуръа бошланишидан аввал мини-қуръа орқали ушбу жамоалардан биттаси 2-саватчага ўтказилади. Ушбу жамоа эса 1-саватчадаги Жанубий Америка жамоаси билан бир гуруҳдан жой олади. Шу тариқа Европанинг 3 жамоаси бир гуруҳдан ўрин олиб қолишининг олди олинади.
1-саватча: Бразилия, Аргентина, Колумбия, Уругвай, Бельгия, Германия, Испания, Швейцария.
2-саватча: Жазоир, Камерун, Кот-д’Ивуар, Гана, Нигерия, Чили, Эквадор.
3-саватча: Австралия, Эрон, Япония, Жанубий Корея, Коста-Рика, Гондурас, Мексика, АҚШ.
4-саватча: Португалия, Франция, Англия, Голландия, Италия, Хорватия, Россия, Греция, Босния ва Герцеговина.