Фарғона шаҳрида амалга оширилаётган кенг кўламли бунёдкорлик ишлари самарасида бир-биридан кўркам иншоотлар қад ростламоқда. Жаҳон стандартларига тўлиқ жавоб берадиган, 20 минг ўринли Фарғона марказий стадиони шулар жумласидан.
16 гектар ер майдонини эгаллаган муҳташам иншоотда футболчилар, меҳмонлар ва томошабинлар учун зарур шарт-шароитлар яратилмоқда. “Қувасойтаъмирқурилиш” масъулияти чекланган жамияти бунёдкорлари томонидан барпо этилаётган стадионда ободонлаштириш ва кўкаламзорлаштириш ишларига ҳам алоҳида эътибор қаратилмоқда.
