"Атлетико" ҳужумчиси Адриан Лопес билан янги келишувга эришди. Бу ҳақда клуб расмий сайти хабар тарқатган.
25 ёшли испаниялик футболчининг Мадрид клуби билан шартномаси 2018 йилгача узайтирилган.
Қўшимча қилинишича, охирги икки давомида Лопес мадридликлар сафида Испания чемпионатининг 23 ўйинида иштирок этган.
"Шартномани узайтирганимдан беҳад мамнунман. Фаолиятимни "Атлетико" давом эттириш мен учун доим энг муҳими бўлиб келган. Жамоамиз - зўр ва мен жамоамнинг етакчилар қаторидан тушмаслиги учун ўзимнинг энг яхши ўйинларимни кўрсатмоқчиман", - дейди мавсумда Ла-лиганинг 11 ўйинида майдонга тушиб, 1та гол ва 3та голли пас узатган Лопес.
Эслатиб ўтамиз, ушбу футболчига "Рома"нинг қизиқаётгани борасида хабарлар бор эди.
