Ўтган мавсумда Ўзбекистон чемпионати олий лигасида ўзининг илк дебютини нишонлаган ва унда фахрли тўртинчи натижага эришган Ғузорнинг “Шўртан-Леди” аёллар футбол жамоаси янги йилга ҳам катта мақсадлар билан қадам ташлади.
Гузал Муҳиддинова бошчилигидаги жамоа аъзолари 13 январдан эътиборан “Шўртан” клубининг Қарши шаҳридаги Қароргоҳида қишки-ўқув йиғин машғулотларини бошлаб юборишди. Дастлабки босқич тайёргарликлари 19 январга қадар давом этди ва жамоа кеча пойтахтга йўл олди.
Шу ўринда қувончли бир ҳолатни таъкидлаб ўтиш жоиз, ғузорлик қизларнинг 2013 йилги мавсумда яхши натижага эришганликларини ҳисобга олган клуб раҳбарияти (бош директор Облаёр Расулов) “Шўртан-Леди”нинг мамлакат чемпионати дорасидаги иштирокини кенгайтиришни маъқул кўрди. Бундан буён жамоа олдига икки “фронт”да кураш олиб бориш вазифаси қўйилди. Шу боис режага кўра жамоа мини-футбол бўйича Ўзбекистон чемпионати биринчи тур учрашувларида майдонга чиқади. Бутун мавсум давомида бош мураббий Гузал Муҳиддиновага тажрибали мутахассислар – Одил Аҳмедов ва Комил Жўраевлар ёрдам беришади.
"Шўртан" матбуот хизмати.
