"Анжи" бош мураббийи Гаджи Гаджиев Европа лигаси баҳси олдидан ўтказилган матбуот анжуманида "Генк"ка қарши ўйин махачқалъаликлар учун Россия чемпионатининг баҳорги қисми учун яхши тайёргарлик вазифасини ўташини таъкидлади.

"Бизнинг бош мақсадимиз — чемпионат. Лекин биз еврокубокларга бефарқлик қилмаймиз ва ўйинларга масъулият билан ёндашамиз. "Генк"ка қарши ўйин — бизга Россия чемпионатининг баҳорги қисмига тайёргарлик кўриш учун яхши имконият. Ушбу учрашувдан кейин ўз ўйинимизни таҳлил қилиш ва керакли ўзгаришларни киритиш учун имкониятга эга бўламиз.

Эртага тахминан тенг кучли жамоалар майдонга чиқишади. Рақибимизнинг ягона устунлиги ҳозирда Бельгия чемпионатининг давом этаётганидадир. "Генк" ҳимоядан ҳужумга тез ўтади. Бу билан биз иккинчи рақам остида ўйнаймиз, демоқчи эмасман", дейди Гаджиев.