ФИФА ёш ҳакамларнинг савиясидан хавотир олмоқда ва Бразилияда ўтадиган ЖЧдан кейин ҳакамларга нисбатан жорий қилинган ёш чеграсини бекор қилмоқчи.

Ҳозирги қоидаларга кўра, ҳакам 45 ёшга тўлганидан кейин ўша йилнинг охирига қадар халқаро ўйинларни бошқара олади. "Известия" нашрининг хабарига кўра, ЖЧ-2014дан кейин ФИФА президенти Йозеф Блаттер ёш чегараси бекор қилинганини эълон қилади.

Ҳакамлар ёшини чегаралаш борасидаги қарор илк марта 1990 йилда қабул қилинганди. 1992 йилда ҳакамларга нисбатан 50 ёш чегараси қўйилган. Орадан бироз вақт ўтиб, ушбу чегара 48 ёшгача камайтирилган. 1998 йилда эса 45 ёш чегараси ўрнатилган.

Бразилия яшил майдонларида ҳакамлик қиладиган реферилар орасида энг ёши колумбиялик Уилмар Ролдан ҳисобланади. Ундан кейин эса — Равшан Эрматов. Ҳамюртимиз шу йилнинг август ойида 37 ёшга тўлади. Эрматов ЖЧ-2010да ҳакамлик қилганида эса 32 ёшда эди.

ЖЧ-2014да иштирок этадиган ҳакамлар ва уларнинг ёши борасидаги маълумот билан танишинг.

Европа: Педру Проэнса Оливейра (Португалия, 43 ёш), Карлос Веласко Карбальо (Испания, 43), Никола Риццоли (Италия, 42), Ховард Уэбб (Англия, 42), Бьорн Куйперс (Голландия, 41 год), Милорад Мажич (Сербия, 41), Йонас Эрикссон (Швеция, 40), Феликс Брих (Германия, 38), Жунайт Чақир (Туркия, 37).
Жанубий Америка: Энрике Оссес (Чили, 39), Нестор Питана (Аргентина, 38), Уилмар Ролдан (Колумбия, 34), Сандро Ричи (Бразилия, 39), Карлос Вера (Эквадор, 37).
Осиё: Ючи Нишимура (Япония, 42), Навоф Шукруллоҳ (Баҳрайн, 37), Бенжамин Уильямс (Австралия, 37), Равшан Эрматов (Ўзбекистон, 36).
Африка: Нумандиез Дуэ (Кот-д'Ивуар, 43), Жамол Ҳаймудий (Жазоир, 43 года), Бакари Гассама (Гамбия, 38).
Шимолий Америка: Марко Родригес (Мексика, 40), Марк Гигер (АҚШ, 39 лет), Жоэл Агилар (Сальвадор, 38).
Океания: Питер О'Лири (Янги Зеландия, 42).