Бугун Украинанинг «Ворскла» клуби легионерлари ирқчиликка қарши кураш акциясида иштирок этишди.
Полтаваликлар легионер футболчилари — Санжар Турсунов, Адис Яхович, Арменд Даллку, Йован Маркоски ва Аҳмад Янузи шаҳар марказидаги ёзги кафелардан бирида банан истеъмол қилиб, "Барселона" футболчиси Дани Алвесни қўллаб-қувватлашди. Хабарингиз бор, "Вильярреал" билан ўйинда мухлислар бразилиялик ҳимоячига банан улоқтиришганди. Алвес эса ҳеч нарсага аҳамият бермай, бананни олиб еганди.
Жуда кўп давлатларда, кўпгина футболчилар шундай акция орқали Данини қўллаб-қувватлашди.
