Футзал бўйича кублар ўртасидаги Осиё чемпионатининг финал босқичига қуръа ташланди. Ўзбекистон чемпиони - "Локомотив" "А" гуруҳида баҳсларга киришадиган бўлди.

Жамоамиз мезбонлар "Шенжен Нанлинг" (Хитой), "Нагоя Оушенс" (Япония) ва "Вик Вайперс" жамоалари билан баҳсларга киришади. "В" гуруҳидан эса "Чонбук Блювейс" (Таиланд), "Дабири Табриз" (Эрон), "Банк оф Байрут" (Ливан) ва "Ал-Қодисия" (Кувайт) клублари жой эгаллашди.

Клублар ўртасидаги қитъқ чемпионати шу йилнинг 25-30 август кунлари Хитойнинг Ченгду шаҳрида бўлиб ўтади.

Эслатиб ўтамиз, Ўзбекистон терма жамоаси яқинда Вьетнамда ўтказилган ОЧда 3-ўринни эгаллагани боис, мамлакатимиз чемпионати клублар ўртасидаги ОЧнинг финал босқичида иштирок этиш ҳуқуқини қўлга киритганди.