"Барселона" ва Бразилия терма жамоаси ҳужумчиси Неймар Испанияда ўтган биринчи мавсуми ҳақида сўзлаб берди.

"Месси ҳар ўйинда мени ҳайратлантиради. "Барселона"га келишимдан аввал Месси ҳақида кўп ёмон гаплар эшитгандим. Гўёки, у камгап ва ҳеч ким билан гаплашмайди. Энди билишимча, бундай эмас экан.  У майдонда ҳам, унинг ташқарисида ҳам даҳо.

Бу мавсум мен учун кўнгилдагидай ўтмади, аммо ёмон ўтди дея олмайман. Мен биринчи бор жонажон ватанимни тарк этдим ва яқинларимни жуда соғиндим. Қийин бўлди, мен кўп нарсага ўргандим", - дея Неймарнинг сўзларини келтиради Football Espana.