Россия премьер-лигаси дебютанти, ўз тарихида илк бор кучлилар сафида иштирок этадиган Бошқирдистоннинг “Уфа” клуби янги мавсумга тайёргарликни давом эттирмоқда. Жамоа бош мураббийи Игорь Коливанов клуб билан шартнома имзолаган ҳамюртимиз Вагиз Галиулин ҳақида «БИЗНЕС Online» нашрига ўз фикрини қуйидаги тарзда билдирди.

“Вагиз техникаси юқори футболчи. Уни биринчи дивизионда иштирок этаётганимиздаёқ ўз таркибимизга қўшиб олишни мақсад қилгандик. Лекин ўшанда “Рубин” уни қўйиб юбормаган эди. Афсуски, жароҳати сабаб ўтган мавсумни деярли ўтказиб юборди.
Ҳозир аста секин ўз спорт формасини тиклаб оляпти. Муҳими у ҳаракат қиляпти. Яна кейинги синов баҳсларида ҳам кутилган ўйинни кўрсатиши лозим. Ўйлайманки, у премьер-лигада бизга ёрдам беради”