Иккинчи давра олдидан сўнгги назорат ўйинида "NBU-Осиё" билан майдонга тушган "Пахтакор" 6:0 ҳисобида ғалаба қозонди.

Учрашув мобайнида жамоалар савияси ўртасидаги фарқ яққол сезилиб турди. Биринчи бўлимда Андреев ҳисобни очган бўлса, Сергеев дубли билан ҳисобни йириклаштирди. Бўлим охирида томонлар биттадан пенальти тепишди. Рақибдан Николаевнинг зарбасини Лобанов қайтарди. Махарадзе эса имкониятдан унумли фойдаланди.

Иккинчи бўлимда таркибга ўзгаришлар қилинди. Соҳибов ва Пардаев томонидан киритилган тўплар ҳисобни янада йириклаштирди. Энди "Пахтакор" 3 август куни иккинчи давра баҳсини "Андижон" билан учрашувдан бошлайди.

Назорат ўйини
"Пахтакор" - "NBU-Осиё" - 6:0 (4:0)
"Пахтакор": Лобанов (Рибкин, 46), Мерзляков (Рогованов, 46), Кримец (Убайдуллаев, 46), Болтабоев (Иб.Абдуллаев, 46; Турсунбоев, 66), Ҳошимов (Отахонов, 46), Махарадзе (Қиличев, 46), Исматуллаев (Искандеров, 46), Андреев (Машарипов, 46), Каримов (Иброҳимов, 46), Козак (Соҳибов, 32), Сергеев (Пардаев, 46).
Голлар: Андреев 3, Сергеев 10, 20. Махарадзе, 45+5-пен. Соҳибов, 73. Пардаев, 78-пен.