"Милан" ҳужумчиси Марио Балотелли интернетда тарқалган сув сепиш бўйича ўтказилган оммавий тадбирга қўшилди.
Бу тадбирнинг масади Лу Гериг ёки Шарко касаллиги деб аталадиган амиотрофик склероз муаммоларига жамоатчиликнининг эътиборини тортиш. Бу касаллик мия фаолиятига таъсир қилиб, кейинчалик фалажликни келтириб чиқариши мумкин.
Интернетда "вирусли" видеороликлар тарқалган бўлиб, уларда жаҳонга таниқли кишиларнинг устига музли сув қуйилган ва воқеа "қурбони" 24 соат ичида буни кимгадир такрорлаши ёки бўлмаса касалликка қарши кураш жамғармасига 10 минг доллар ўтказиши лозим бўлади.
Натижада 29 июлдан 12 августгача бўлган вақт ичида 5.5 миллион доллар йиғилди. Ўтган йили шу вақтда 32 минг доллар йиғилган эди.