"Қизилқум" — "Нефтчи" учрашуви якунлангач, матбуот анжуманига дастлаб меҳмонлар бош мураббийи Мурод Исмоилов ташриф буюрди.
"Бугун тажрибали Акмал Холматов ҳамда Андрей Акопянцлар ёнида ёшларни майдонга туширдик", — деди фарғоналиклар устози. "Аммо берилган кўрсатмаларни тўлиқ амалга ошира олишмади. Жамоамизнинг кўрсатган ўйин сифатидан кўнглим тўлмади.
Учрашувни бошқарган ҳакамлар ва рақиб жамоа тўғрисида ҳеч нарса гапиришни хоҳламайман.
Менга стадиондаги муҳит жудаям манзур бўлди. Мухлис стадионга чиройли футбол томоша қилиш учун ташриф буюради. Менимча, бугун ишқибозлар зерикиб қолишмади.
Навоийга тажрибали Шерзод Ҳакимов ҳамда Сардор Мирзаев жароҳати туфайли кела олмади. Бугунги ўйинда уларнинг ўрни яққол сезилиб қолди".