ЖЧ-2014 мусобақасида Бразилия терма жамоасини бошқарган "Гремио" бош мураббийи Луис Фелипе Сколари футболчиларни танқид ва ҳақорат қилишга чек қўйиш кераклигини билдирди.
"Агар май ойига кайтиб қолсам, яна худди ўша футболчиларни танлаган бўлар эдим. Уларга чин дилдан раҳмат айтаман. Барча 23 футболчим ажойиб эдилар, танловимдан афсусда эмасман.
Йигитлар, сиз Фредни кўп ҳақорат қиляпсиз. Ҳаммасига мен жавоб бераман: 1:0, 5:0, 10:0 га ҳам. Ҳамма маъсулият менинг бўйнимда. Футболчиларни ҳақорат қилишни бас қилинг. Менинг олдимга келинг, қўлингиздан келса менга ҳужум қилинг, уялманг.
Ҳозир ҳеч ким менинг ЖЧ-2002даги ишимни эсламаяпти. Биргина ўйин йиллаб кечган селекция ишларини йўққа чиқара олмайди. Бу фақат оддий бир ўйин. Футболда ҳамма нарса бўлади", - дея Сколарининг сўзларини келтиради Seleção Brasileira.