Аргентиналик машҳур футболчи Габриель Батистута футболчилик фаолиятидан сўнг даҳшатли оғриқларни бошдан кечиргани ҳақида сўзлаб берди.
"Оёқларимда чидаб бўлмас оғриқларни бошдан кечириб, қимирлай олмай қолган эдим. Докторимдан оёқларимни кесиб ташлашини илтимос қилган пайтим ҳам бўлган.
Шифокор менинг ақлдан озганимни таъкидлаб, тиззамни операция қилди, аммо бу ҳам ёрдам бермади.
Аммо, кейинроқ аҳволим яхшилана борди", -дейди Батигол.
Батистута - Аргентина терма жамоасининг гол уриш бўйича рекордчиси. Мухлисларга "Фиорентина" ва "Рома" клубларидаги ёрқин ўйинлари билан яхши таниш.
