"Барселона" матбуот хизмати жамоанинг ёзги трансферлар учун сарф қилган маблағи ҳақида маълумотларни ошкор қилди.
Каталонияликлар жами 157,25 миллион евро сарфлашган бўлиб, шундан 81,25 миллиони "Ливерпуль" ҳужумчиси Луис Суаресни сотиб олишга кетган.
Қимматбаҳолик бўйича "Валенсия" ҳимоячиси Жереми Матьё (20 миллион евро) иккинчи ўринда турган бўлса, учинчи "Севилья" ярим ҳимоячиси Иван Ракитич (18) бўлди. Дарвозабонлар — Клаудио Браво ("Реал Сосьедад") ва Марк-Андре тер Штеген ("Боруссия", Мюнхенгладбах) каталонияликларга 12 миллион евродан тушган. "Сан-Паулу" ҳимоячиси Дуглас эса 4 миллион еврога харид қилинди.