Ҳар йили сентябрь ойида интернет-фестивал ташкил этилади ва турли йўналишлар бўйича UZ-зонадаги энг яхши сайтлар аниқланади. Ушбу йилда ташкил этилган интернет-фестивалда ҳам Stadion.uz ўз номзодини Спорт йўналиши бўйича тақдим қилди.
Бунда сайт турли тамойиллар бўйича баҳоланади. Жумладан, Ўзбекистондаги сайтларнинг асосий ҳисоблагичи ҳисобланган WWW.UZ сайти ўз йўналишида энг кўп хост (ташрифчилар)га эга бўлган веб-сайтга ўзининг махсус совринини жорий қилганди. "Спорт соҳасида энг яхши сайт" йўналиши бўйича соврин кетма-кет иккинчи марта Stadion.UZ сайтига насиб этди (ушбу йўналиш бўйича 19та сайт ариза топширган).
Фестивалнинг якуний натижалари 22 сентябрь куни эълон қилинади. Сайтимиз финал босқичи йўлланмаси қўлга киритган. Ҳал қилувчи босқичга Спорт соҳасида фаолият олиб борадиган 5та сайт ўтган. Якуний натижани кутамиз.
