Таиланд пойтахти Бангкок шаҳрида йиғин ўтказаётган Ўзбекистон U-19 ёшлар терма жамоаси 21 сентябрь куни йиғин давомидаги иккинчи ўртоқлик учрашувини ўтказди.

Ўзбекистон U-19 ёшлар терма жамоаси иккинчи ўйинда Таиланд Суперлигасида иштирок этувчи «Bangkok Glass» клуби ёшларига қарши тўп сурди ва 4:1 ҳисобида ғалаба қозонди. Равшан Ҳайдаров бош мураббийлигидаги ёшлар терма сафидаги голларга Отабек Шукуров, Равшанбек Ҳурсанов, Забиҳилло Ўринбоев ва Миржамол Қосимовлар муаллифлик қилишган.

Маълумот ўрнида, Ўзбекистон U-19 терма жамоаси 19 сентябрь куни Бангкокда Таиланд U-19 ёшлар терма жамоасига қарши ўртоқлик учрашувида майдонга тушиб 2:0 ҳисобида ғалаба қозонган эди.

Эслатиб ўтамиз, Ўзбекистон U-19 ёшлар терма жамоаси 9-23 октябрь кунлари Мьянмада ўтказиладиган ёшлар ўртасидаги ОЧ финал босқичида иштирок этади.

Ўртоқлик учрашуви.

19 сентябрь, Банкок, Таиланд.

«Bangkok Glass» - Ўзбекистон (U-19) - 1:4

Голлар: Отабек Шукуров, Равшанбек Ҳурсанов, Забиҳилло Ўринбоев, Миржамол Қосимов.