"Манчестер Юнайтед" яримҳимоячиси Маруан Феллаини ҳозирча клубни тарк этмоқчи эмас, бельгиялик футболчи ўтган йилнинг ёзида клубга келган ва премьер-лиганинг бор-йўғи 20 ўйинида иштирок этган.
"Мен Ван Гал билан суҳбатлашдим. У менинг жамоани тарк этишим ҳақида ҳеч нарса демади. У менга жамоада катта рақобат борлигини, менга ҳам имконият беришини айтди.
Ўтган мавсумда муаммоларга дуч келганимни биламан. Аммо улардан сўнг янада кучлироқ бўласан. Мен ўзимга ишонаман. Мен жаҳон чемпионатида ва мавсумолди йиғинларда яхши ўйнадим. Жароҳатларим яна безовта қилгани ачинарли, аммо ой охирида майдонга қайтаман", - дея Феллайнининг сўзларини келтиради Sky Sports.