«Реал» ва Португалия терма жамоаси ҳужумчиси Криштиану Роналду спортчилар орасида Твиттер тармоғида обуначилар йиғиш бўйича рекорд ўрнатди.

29 ёшли футболчининг ўқувчилари сони 30 миллионга етди. Роналду Твиттернинг машҳур кишилари орасида 13-ўринда бормоқда. У обуначилар сони бўйича Барак Обама, Кэти Перри, Жастин Бибер каби машҳур шахслардан ортда қолмоқда.

Твиттерда энг кўп ўқувчиларга эга бўлган спортчилар рўйхати:
1. Криштиану Роналду («Реал») – 30 миллион
2. Кака («Сан-Паулу») – 20,9
3. ЛеБрон Жеймс («Кливленд», баскетбол) – 14,9
4. Неймар («Барселона») – 14,5
5. Роналдиньо («Керетаро») – 10,8
6. Уэйн Руни («Манчестер Юнайтед») – 9,97
7. Андрес Иньеста («Барселона») – 9,61
8. Жерар Пике («Барселона») – 9,47
9. Хаби Алонсо («Бавария») – 8,19
10. Кевин Дюрэнт («Оклахома-Сити», баскетбол) – 8,17