"Манчестер Юнайтед" клуби Англия Премьер-лигасининг дастлабки 5та турида атиги 5 очко жамғарган бўлса-да, жамоа бош мураббийи Луи ван Гал ваҳима қилиш учун асос йўқлигини таъкидлади.

"Менинг футболчиларим — робот эмас. Инсонлар эса хато қилишга ҳақли. Мен футболчилар билан кўп гаплашаман. Мен шундай ишлайман. Кейинги ўйингача менинг услубим ўзгармайди. Бу аниқ. Мағлубиятга учрадик. Энди ушбу ҳолатдан чиқиб кетишимиз керак. Ҳозир энг асосийси кам гол ўтказишни ўрганишимиз керак. Шундоқ ҳам биз кўп гол уряпмиз. Журналистларга қараганда вазият менга кўпроқ маълум. Ҳаммаси жойида", - дейди ван Гал клуб расмий сайтига берган интервьюсида.

"Бу фаолиятимдаги энг оғир ишлардан бири. Сабр қилиш керак, кўрамиз, бир йилдан кейин нима бўлар экан. Ўшанда хулоса қилиш мумкин. Ҳозир бундай саволларни мағлубият туфайли беряпсиз. Агар ғалаба қозонганимизда ортиқча гап бўлмасди. Биз қийинчиликларни енгиб ўтяпмиз. Мавсум узоқ давом этади", - дея қўшимча қилди голландиялик мураббий.